شعب واعي صف واحد

للوطن منا الولاء والحب كله والتفاني
والوفاء والتضحية في كل ما يحفظ كيانه
يا وطنا عشت والله في رغد عيش وأماني
رغم أنوف أعداك وأصحاب التطرف والخيانة
شلة الإرهاب خابو وافلسوا والنصر حاني
والوطن هذا وشعبه ما لهم بينه مكانه
شعب واعي - صف واحد من على طول الزماني
ما يخونون العهود ولا يبوقون الأمانة
سلمهم سلم الجدود ولا يجي فيهم تواني
عن مواجيب الشرف قاسين ما فيهم ليانه
للملك عبد العزيز ومذخرة ذاك الحصاني
بيعة الإخلاص منهم عن تغيرها امصانه
ذي حقيقتهم وربي في خفا والا بياني
من هذاك الحين من فتح الرياض ومن زمانه
ما عليهم من كلام النذل مسموم اللساني
لو تكلم كل يوم وزاد في نشرة بيانه
فتنة عمياء يبي يهدم بها هذا الكياني
مير حلمه حلم ليل وين يلقى ترجمانه ؟!!
عارفين اللي وراه وسره المدفون باني
سرع ما ناطا عليه وسرع ما نفرك احسانه
مشعل بن نوار المقاطي