فلاش

أول ما دخل عليّ بالمكتب وبعد السلام قال الموضوع ما يبيله.. ألحين الفأس بالرأس.. أخوي مدمن مخدرات ومعه واحد مثله كانوا بيختطفون ولد.. ناوين فيه فعل الفاحشة وصار فيها اطلاق نار.. وهالحين أخوي مسجون لكن اللي أبيه منكم تقولون لحقين السجن لازم يودونه.. للمستشفى عشان يعالجونه.. لأنه منتهي..
المخدرات دمرته.. والله إنه أول من أحسن إخواني صلاة وعبادة وعلوم رجال.. لكن من يوم طاح بالشلة الفاسدة اللي دمروه.. من بعدها طاح بالسفر وبالمخدرات والشراب... لين وصل هالمرحلة.. والعياذ بالله.. مثل ما تشوفون.. خطف.. وفعل فاحشة.. واطلاق نار.. وش بقى بعد!!
قلت له أبشر باللي تبي هذا واجبنا.. وحنا يا خوك دايماً نحذركم انتبهوا لعيالكم قبل لا يصير ما صار.. ولا يخاوون أصحاب السوء.. وانت تعرف الصاحب ساحب..
ويالله سترك..
الأبرق