راح وقت الذلول

ابتدي بالذي بامره تكون المخيله
يا إلهي رجوتك لا تخيب ظنوني
يا عظيم خلقنا وكلنا نلتجي له
باسمك الله أكبر كل شيء يكوني
شفت بالوقت هذا الكل عابر سبيله
خلوا البال يتعب بالعناء واتركوني
جالساً واتفكر بحاجة مستحيله
أفهموني تراني صادقاً واعذروني
أتوجد على اللي يدركون الجميله
وأتذكر وأخاف أهل الشماته يجوني
واثقاً في كلامي ولا أغير بديله
والظروف أشغلتني وصرت منها امغبوني
راح وقت الذلول والحقتها الكحيله
يأهل الجمس الأحمر وقفوا واركبوني
أسألك عن شداد معلقن به صميله
من يمين الأبدار ومن يسار الشنوني
لا تقولوا تغزل بالفتاة الجميله
ليتها بالتغزل وكل شيء يهوني
إن رثيت المبادي جبت قصه طويله
والمشاعر تغير منها جنت جنوني
العولمه غيرتنا وين نلقا بديله
كثر عض النواجذ أتعبتني أسنوني
صلط الله على اللي يدركون الفشيله
الخفايا تبين لو لها يستروني
أذكر الله واصلي على من دعا للفضيله
عد نو تنزل من غر المزوني
مشعل البيضاني