ملك محنك سديد الرأي وسياسي

سلام ياللي تعقد الأمر وتحله
يا سيدي يا بعد حيي ونوماسي
يا منبع الطيب يا راس الفخر كله
يا ذايع الصيت يا الضرغام يالقاسي
يا مطوع الصعب يابو الشعب يا خله
ياللي قياسه يعجّز كل قيّاسي
ياللي ليا من ضحك ولحاجبه فله
جميع الأقمار تضحك له والأشماسي
يالشهم ياللي تعن الطيب وتتله
ياليعربي الأبي الطاهر الراسي
يا قامع الظلم واهله ناصر المله
يا من جعل منهج القرآن له ساسي
وش لون بوصفك يا بحر على حله
وأنا غرقت بشبر يا كيف منكاسي
يا سور يا طور ياللي تبري العله
يا البلسم اللي يداوي الجرح ويواسي
يا حر يا مر وانت الشهد يا زله
يا طيب يا ذيب يا خيّال الأفراسي
واقول يا خلق والله والله والله
لو الحراير يلدن أخماس وأسداسي
ويبطن ما ولّدن بوصاف عبدالله
ملك محنك سديد الرأي وسياسي
حصة العتيبي