اهل الوفاء

أهل الوفاء دائم على العهد وافين
لو طالت الأيام بيني وبينه
تقديركم دايم على الراس والعين
وش عاد لو طول علينا سنينه
اذا اتصلت تقول بعدين بعدين
عيني على الجوال ومتابعينه
اصدق معي لا تلفلف يسار ويمين
ترى الصراحة حبلها قاضبينه
اقدر ظروفك واعرف القوانين
ما خطى عليك وعرفنا وارثينه
قصة وفانا تنكتب بالدواويين
فيها معاني واضحة عارفينه
أنا معك دايم على العسر واللين
أعطيت لك قلبي وروحي رهينه
غيرك فلا والله ما جاز للعين
أحبكم من قلب يتعب حنينه
كفتك عندي راجحة بالموازين
ما يستريح القلب يا عاذلينه
الوصل يشفي قلوب كل المحبين
الله يجيبك يالعواقب هوينه
دربك خضر وتعيش بين البساتين
كل بهذا الكون يبغى ضنينه
يا صاحبي تسلم لنا سنين وسنين
وتعيش بالدنيا حياتك رزينه
نعمت التركي