شاعر وقصيدة

الشاعر صقر بن مسلم النصافي رحمه الله ولد عام 1878م وتوفي عام 1948م بعد ان تجاوز السبعين ولد وترعرع وعاش في الكويت.. وكان أبرز شعراءها في النظم والمحاورة وهو الذي يقول:
لا بلاك الله بعاقه
من مقاريد الرفاقه
لا توريه الحماقه
لين ربك يقلعه
وهو الذي يقول:
ماني جسمن يطرد سراب بمضماه
شاف السراب ويحسب انه غديري
وله قصيدة في غاية الروعة والقوة والجمال في مجال الحكمة ومخاطبة الذات والغزل يقول فيها:
اليوم يا عيني علامك ترفين
ولانتي على العاده بنثر الدموعي
امايبي يلفيك علمن ما هو زين
والا اتذكر ما غدى من ربوعي
يا كثر ما نذكر من الناس غاليين
حدر الثرى ما عاد فيهم رجوعي
راحوا مراحن منه ما هم ملفين
صارت منازلهم عذاين الشوعي
الله على وقت مضى مثل هالحين
ابعد علي اليوم من حبي لكوعي
اليا ذكرته والمخاليق غافين
جريت ما يفتح مفالج ضلوعي
يوم ان وقتي مقبل يا ادعج العين
عروس عشق ومعجبتها الدفوعي
واليوم وقتي صار بين الهياهين
اليا طاب لي يوم خبث لي اسبوعي
تضحك لناس بالفرح مستمرين
وناس تجيهم بالكدر والفجوعي
وصارت بها سود المقانع شياهين
وفحولها صاروا تبوع التبوعي