يا الله أنا طالبك كسب الفضيله

سافرت فالدنيا مسافه طويله
وأنا وحيدٍ فالليال الطويلات
ما فيه حاجه فالزمن مستحيله
حنّا رجالٍ ندرك المستحيلات
ناوي وقلبي عاشقٍ للجميله
الحر من طبعه يطول الجمالات
وبمخلبه ما يقنص إلا الجزيله
ربحان منهو كاسبٍ للجزيلات
وخسران يا شخصٍ عزومه قليله
الجود.. ما يبغى عزومٍ قليلات
الجود.. يبغى من يشيل الثقيله
ويرسي كما ترسي جبالٍ ثقيلات
الله يقطع كل نفسٍ بخيله
وجعل الفقر للي يدينه بخيلات
يا الله أنا طالبك كسب الفضيله
يا عاليٍ يامر بفعل الفضيلات
وما ضاع من ربه بدربه دليله
ومن يعتصم بامره يصيب الدلالات
واختم كلامي بالبيوت الاصيله
أحب تقراها القلوب الاصيلات