الحرّ في وقت اختبار وتمرين أرْخى سبوقه عايدٍ يَم صقَّاره

الطير عينه على الصقار
شافه وما جاب له صيده
يخاف يبرقع عقب ما طار
على الوكر يربط بقيده
والوسم جانا مع الامطار
رحمه عسى ربي يزيده
سليمان بن عبدالعزيز السنيدي - الرياض
يا الابرق اللي بالسماء تبعد الحوم
يا اللي على جول الحباري مصيبه
يفرح بك القناص يقضي بك لزوم
وقت الهدد لك يا ابرق الريش هيبه
خالد بن ناصر المخيمر - روضة سدير
الحرّ في وقت اختبار وتمرين
أرْخى سبوقه عايدٍ يَم صقَّاره
حتى لِيَا جَا وقت الهداد الثمين
يبين فيه الربح.. وَلَّا الخساره
والحرّ أصاله ومخلب وعينين
صقار يعرف كيف يجني ثماره
سعود عائش الحربي - جدة
طير يفل الريش يا طول ريشه
يفرد جناحينه مقبل ومهوي
الصقر الأشقر حام ما فيه عيشه
ما حصّل الصيده والجو مدوي
يمكن دياره صوب رنيه وبيشه
ينتظره الصّقار والحال مخوي
حمد عبدالله الوايلي - حوطة سدير
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد