هذي الطبيعة عشق دايم جميله هذا هوى نفسي.. وهذا له اشتاق

طلعت نِشامى ابْسهلةٍ تِنعش الروح
وكل ما يلزم لها ما نِسوه
ونسناس بر دوم اريجه اِيفوح
عنوا له اللي بين غيره فضَّلوه
بين السهول وخضرة اتلال وسفوح
عشَّاقته يلقون فيها ما بغوه
سعود عائش الحربي - جدة
ياهل الجيب اللي كشتوا بالشعيب
السيل ما يشاور إلى تحدّر من علاه
حذرا يجيكم سيل من عالي جذيب
وتصبح كوارث قرب جال الحصاه
صارت خساير فاجعه روسٍ تشيب
كم ناس داهمهم وراحوا لا نجاه
كل الوسايل حذّرت .. لازم تجيب
هي مرةٍ فالعمر لازم حرص ونباه
حمد عبدالله الوايلي - حوطة سدير
صورة لكشتةْ تحَت أشجار
تاريخها ما كتب فيها
حاجاتها في المكان كْثار
الله يعينك يا راعيها
مركاً وحيدٍ وحوله نار
والزمزمية حواليها
بساطةٍ كلّها أفكار
مكمَّلة في نواحيها
محمد مقحم المقحم - الرياض
ويلي على الجلسه وويلي على الجيب
وويلي على جواً يشوقك نسيمه
في وسط قاعٍ ما تجيه اللواهيب
من تحت سدره والأماكن سليمه
وريح الخزامى يشبه المسك والطيب
خوة نشامى .. قلوب بيضٍ سليمه
تنسى همومك لو اجروحك معاطيب
وتعيش لحظة عمر .. أكبر غنيمه
خالد بن ناصر المخيمر - روضة سدير
هذي الطبيعة عشق دايم جميله
هذا هوى نفسي.. وهذا له أشتاق
للبر رحله من العنى والحصيله
والجو رايع.. شوفة ألوان.. وآفاق
بشائر القحطاني - الرياض
نرحب بمشاركاتكم الشِّعرية،
وما تلتقطه عدساتكم من الصور
الهادفة والطريفة على إيميل الخزامى:
rb-khozama@alriyadh.com
صورة العدد