في مجلسٍ عامر له سنين وسنين تجمعوا فيه أهل القلوب النظيفه

بين جيلين لعبة من ترونه يفوز؟
لعبةٍ كلّها تفكير .. ومْراوغة
كل شيٍّ بها الدنيا يصير وْيجوز
تمتلي الكفّ وأحياناً تجي فارغة
صِفّ الأحجار في لونٍ موحّد تحوز
كل الإعجاب ويْقولون: ذا نابغة
محمد مقحم المقحم - الرياض
في مجلسٍ عامر له سنين وسنين
تجمعوا فيه أهل القلوب النظيفه
ثم احضروا غطيان للعب سالين
من فوق لوح فيه وسوم كليفه
لعبه قديمه من زمان وهالحين
راحت مع اللي ما يعرف الوظيفه
واليوم كثرت كل الألعاب شارين
ما عاد نعرف في مستواها وصيفه
حمد عبدالله الوايلي - حوطة سدير
يا كثرها يا حلوها ألعاب الاجداد
مِن عندهم ماهي بمستورده
لِعبة ام تِسعٍ شكلٍ .. واعداد
هي والحويلا بذلك العصر موجوده
للتسليه وامضاء الاوقات ب اسعاد
العاب ما كثرها وماهي بمعدوده
سعود عائش الحربي - جدة
لبعة جميلة دايم الوقت يزدان
بحضور أهل الكرم والجزيله
في مجلسٍ ما بين أصحاب واخوان
فيه الوناسه كل وقتٍ وأزمان
نورة الفاضل - بريدة
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق