صوره تذكرنا على مر الأجيال بالطيبين أهل الوفا .. والحماسه

رامو هقاويهم بقدرٍ وتصريح
واخبارهم للي نسى اذكرتهم
طيبٍ على عز ومعزه وتفريح
وكل المراجل بالوفا علمتهم
حمد عبدالله الوايلي- حوطة سدير
هذا الونس هذا السعد يا جماعه
ألعاب شعبية بصدق وحقيقه
فيها السعادة كل وقتٍ وساعه
مع الرفيق اللي يقدر رفيقه
ماهو برفقة أهل الحسد والطماعه
يا رب قلل جنسهم في الخليقه
خلف الدوسري - تبوك
صوره تذكرنا على مر الأجيال
بالطيبين أهل الوفا .. والحماسه
بين البيوت الطين لو ما به ضلال
نلعب ونضحك ما عرفنا التعاسه
العاب شعبيه وصرنا بها أبطال
ويشوش منهو فايز يشوش راسه
ما بين شدّ الحبل أو رفع الأثقال
والطمره اللي فيها جهد ووناسه
خالد ناصر المخيمر - روضة سدير
ألعاب حلوة من زمان الطفوله
يطرب لها أهل القلوب النظيفه
فيها الوناسة والسعد والبطوله
من ماضي الأجيال لعبة لطيفه
سارة الحمود - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق