أمس الضحى عدّيت راس النبا فوق

راس الطويل اللّي به الريح نسناس
لا بان لي غيمٍ ولا لاح لي بروق
والآدمي مخلوق له قلب وإحساس
وهب الشمالي براس عالي ومرموق
مرقاب من دونه يضيقن الأنفاس
عدّيت مرقابه وانا بغاية الشوق
شوقٍ بقلبي ماله حدود وقْياس
أقنب قنيب الذيب وألوب وأتوق
ذيبٍ يجر مْن العوى عقب الأفلاس
وإلاّ صُويبٍ طاح بالساق مصفوق
خلّوه رَبعه وأدبحوا حين الادماس
عيني تذارف دمعها وأحرق الموق
وكثرت هواجيسي وزاد التهوجاس
شعر: سالم بن ضيف الله الحربي