بروق الود

لاحت بروق الود واستمطرت شوق
لقيت حنايا القلب جردا ظمايا
وديان قلبي سيلت رقه وذوق
لما نبت عشب الهوى بالحنايا
وتحت الجفن دمع الفرح راقص الموق
ورقصت معه حتى الصور والمرايا
قلت الشعر يستاهل البسه طوق
وازينه بعيون كل البرايا
واسيره باحساس صادق لمصدوق
واقدمه لعيون خلي هدايا
اللي صدقني دون عن كل مخلوق
واخلص لي النيه حسين المزايا
كل البشر بقلوبها دم وعروق
بس المصيبة باختلاف النوايا
انا اشهد ان الحظ صدفات ووفوق
وحظوظ خلق الله من الله عطايا
صدفه تولف قلب عاشق لمعشوق
وصدفه تقرب مبعدات المنايا