الزمن يركض ودوراته سريعه وكل شي فات يصبح ذكرياتي

بيت الأسبوع
كتب بيت الأسبوع منصور شلويح العنزي من الرياض ويقول:
الزمن يركض ودوراته سريعه
وكل شي فات يصبح ذكرياتي
وكان صدى البيت من الشعراء رائعا:
السنين تلف بخيرات وفجيعه
دبرة الله سايره بكل الجهاتي
كل شي ٍ فات يبقاله طبيعه
بذكريات ٍ مادخل فيها شماتي
الزمن في دورته وقت وربيعه
وكل فايت للملا مثل المراتي
فالخيال مثَبت ٍ مابه قطيعه
فالصباح وفالمساء معهم يباتي
مشعل بن صنت العصيمي - الخرج
يازمان العولمه رجلك مريعه
وامس راح ومثل باكر بالصفاتي
دورة الدنيا لها سرعه شنيعه
تالي الوقت مايمدي نداتي
السبايب عندنا وجه وقنيعه
عافيه وخير والرزق الوفاتي
والامن نعمه وسدود منيعه
وفيه حريه لها دور وحياتي
في وطن غالي علينا مانبيعه
الله اللي جمعه بعد الشتاتي
حمد عبدالله الوايلي - حوطة سدير
لا ذكرت انه حسب هدي الشريعة،
اتهنا وانبسط باقي حياتي.
واعمل لمثله وشبهه في الطبيعة،
في طريق الخير يا كثر الصفاتي.
البنادم ما تضيق به الوسيعة،
كان عنده نيةٍ للصالحاتي.
الأمر موجود والآمر نطيعه،
سنة الله في جميع الكائناتي.
محمد مقحم المقحم - الرياض.
الاماني للتقدم والطليعه
كل خلق الله تدور للغناتي
صار عمر العام شهر من ربيعه
وصار عمر الشهر يوم ياشفاتي
والفراغ بلا عمل ياخوي ضيعه
ومارجع ياهل المعرفه يوم فاتي
رجا عادي بن رمال - الرياض
احد سلم لظروف وثم صارت طبيعة
ذاك يتعب ثم يخلد في سباتي
من يجيك براي اعوج لا توهق لا تطيعه
النتيجة هو يحدك لين تاصل للمماتي
علي الرشيد - رياض الخبراء
اسرع من الضو والسرعه شنيعه
وقتنا مثل النجوم السارياتي
عابدين ربنا حسب الشريعه
والامن ظافي وهو عصب الحياتي
وكان مر الوقت برق في لميعه
الرخا خلا الشهر يوم ثباتي
عيد محمد الغضوري - حايل
سرعة او دورات ايامنا طبيعه
لياليٍ تمْضي واخرى مِقْبلاتي
وايام الفرح تمشي سريعه
وايام شِهْبٍ مَشيها مِتْثاقِلاتي
ودوراتها درسٍ وعِبراتٍ رِفِيعه
ربحان مِعْتبر بها وقت الحياتي
سعود عائش الحربي - جدة
بيت الأسبوع
كتبه للصفحة الشاعر عيد الغضوري والذي يقول :
تكفون بروا والديكم على شان
لاجا سداد الدين عندك رصيدي
نستقبل صدى البيت المطروح خلال ثلاث أيام من نشر البيت المطروح
على إيميل الصفحة:
rb-khozama@alriyadh.com