الوطن هذا وطنكم واعتنوا به

يا بيوت الشعر كل له أسلوبه
لا زهمتك عبري عما بذاتي
ودي اكتب لي كلام وبه عذوبة
بالوطن وجباله اللي شامخاتي
طيب الله قبر من وحد شعوبه
المها من بعد ما كانت شتاتي
حاكم فعله وتاريخه أعجوبة
حرر بلاده من ايدين العداتي
الوطن من مشرقه حتى غروبه
وحده على ظهور المسرجاني
يوم وردوا هيت والعمر أرخصوا به
والموارد دون هيت مقضباتي
شطر بيت من قديم سولفوا به
لا تذكرنا العصور الماضياتي
نحتفل بك يا وطن في كل نوبة
تحت ظل الطيبين من الولاتي
دام عزك يالملك درع العروبة
ودامت الأفراح في كل الجهاتي
الله يحفظه من الوقت وكروبه
حاكم يضفي على الشعب العباتي
بالكرم تشهد على فعله جيوبه
كم عطى شعبه من أموال وهباتي
ويحفظ الله الأمير اللي ينوبه
عضده المحبوب راع المكرماتي
كم تعب لأجل الوطن تخضر دروبه
وكم تحدى للصعاب الكايداتي
ودارنا اللي من مهابته مهيوبة
لأجلها سهران ليله ما يباتي
يا وطنا والنصر ذعذع هبوبة
لك من أقصى القلب زفيت أمنياتي
يا شباب المجد واضحة دروبه
للجميع موضحة ومبيناتي
وأنتم رجال من رجال محسوبة
ولا يلام اللي للأوطان استماتي
الوطن هذا وطنكم واعتنوا به
دونه أنتم كالسيوف اللامعاتي
ذا وطنا من شماله لا جنوبه
كلنا لأجله عيون ساهراتي
من تسلل طامع بالقرب صوبه
والله إلا نحرمه طيب الحياتي
خلوا الأعداء يعيشون بصعوبة
ويتمنون السلامة والنجاتي
يا وطن ماتمس منك أعداك طوبه
كل شبر منك من دونه حماتي