شوف أم الخير في شكلٍ عجيب والرطب يحيطها بجمل وِشَاح وِزين شوف الحقل من قبل المغيب وصوت المكينه واليمامه بالصباح سعود عائش الحربي - جدة هذا النخل لو التوى في جذوعه يعطيك من نبته ثمار .. و نوايع يا زين عسبانه تعلّت فروعه ومن صار في بيته فلا هوب جايع سليمان عبدالعزيز السنيدي طاحت نخلة والجذر حيّ ما مات وشالت عذوق والسعف لونه اخضر وفّر على الفلاح رقيه والاوقات وخرافها ماهو بحاجه يبي كر سعود عبدالعزيز الهزاع - نعام حيٍّ بلا عزمٍ يغذِّيه بالصّبر نفسهْ قَبِلْ يقْبرْ بِيَأْسه قبَرْها رغم السقوط اللي اعترى نخلة التَّمْر ما صابها الاحباط واعطت ثمرها ناصر جمعان آل عوض - وادي الدواسر النخله اللي مسّها طول الدهر لين انحنت ثم التوت في ارضها ورغم الظروف القاسيه فيها ثمر سبحانه اللي اطلعه من حجرها حمد عبدالله الوايلي - حوطة سدير النخلة اللي ليها تقل حيّه يسر لها الخالق حياةٍ رغيده منظر عجيب بين روحة وجيّه رغم العوج تبقى ثماره مفيدة على الرشيد - رياض الخبراء يا النخله اللي بالبلد كلها خير تنبت لنا بالخير رغم العواجي سبحان من كمّل حياتك بتدبير رمز العطا والخير كل انفراجي خالد ناصر المخيمر - روضة سدير سبحان محييها وهيه طريحه فوق الثرى لكن لها جُذْر في الطين بها عذوقٍ واضح انها مليحه والله خلقها مثل ماشافت العين محمد عبدالله الشهري - أبها النخله اللي نشوفها بقدرة الخلاق بإرادة الله .. بالنعم هي مليّه في منظرٍ بشوفها الكل يشتاق بعذوقها بالخير دايم غنيّه محمد عبدالعزيز الخنيفر - أشيقر تعوّدت جل العطا مير هبّت ريحٍ صليفٍ صرصرن واقعدتها واستقعدت من عوقها ثم دبّت فيها نواميس العطا ما فقدها محمد العريفي حان الخراف وشفت رطبٍ مراديف شوف الرطب يعجبك في كل نخله من أسباب قيظٍ ركب اليوم يا خليف خلّى النخل ينضج في كل سهله خليف فهيد الحربي - الرياض يا نخلةٍ ملتويةٍ سبحان خالقها ذي قدرة الخلاق محصي عبيده شوفوا بها الخيرات والخلق رازقها الله يديم الخير .. ربي يزيده ريان محمد الخنيفر تجود من خيره ولو عاقه ظروف تعطي الثمر للناس بيدٍ نديّه تشبه هوى شايب إلى جاله ضيوف يجود بالماجود.. نفسه رضيّه أحمد سليمان الخزيم - الرياض نرحب بمشاركاتكم الشِّعرية على ألا تتجاوز بيتين، وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد (عدسة/ إبراهيم الجبر)
