كتب بيت الأسبوع الماضي الشاعر حمد عبدالله الوايلي من حوطة سدير والذي يقول: تعاملك في بعض الأحيان محذور تخاف من بعض العقول الضعيفه وهذا صدى الشعراء حول هذا البيت: أحد يخلّي السرّ في السوق منشور كنّه مُجاز النشر في اكبر صحيفة وأحد يظنّك خايفٍ منه مقهور يزيد في ظُلمه ويسرف بحيفه والغش بين الناس واجد ومخبور مع بعضهم ترضى فقط بالنكيفة خلّك قبِل بعض التعامل على نور إنشد قبِل تسلك دروبٍ مخيفة محمد مقحم المقحم - الرياض انطق معَ من يحكم الراي والشور و اهل العقول الراقيه والشريفه و احذرمن اللي دايم الوقت مغرور تاجد كلامه في علومٍ سخيفه لاتصحب الا كُل ماجد ومستور مليون ترحيبه ليا جاه ضيفه محمد عبدالله الشهري /- جبل أثرب على الكلام الهذرما انته بمجبور والصمت زين الا اذا شفت حيفه ما للخطا الا وقفت الزور للزور ان اعتذر والا تولع بليفه سكتتك جبن وراعي الحق معذور ان زاد صوته او تعلا رصيفه رجا بن عادي بن رمال - الرياض اخذ الحذر من كل جاهل ومغرور واهل العقول الناقصه والخفيفه خل التعامل عن هل الضعف مقصور مقصور حبله عن جباهم وريفه ومن عامل المحتال مهوب مسرور يمسي ويصبح في معاصير خيِفه مشعل بن صنت العصيمي-الخرج ما جنِّبَك مِن أمْر مَنْته ب مجْبُور تِخُوض بِه وَيَّا الأُمور السِّخِيفه نِصِيحةٍ تِنْحط في مِشَّتْ الزَّوْر إتْبع مِسار أهْل العقول الحَصِيفه دايم مِمَاشِيهم سليمات في نُور وبالقول والافعال سِيره نظِيفه وتلقى بِدِينك مَنْهجٍ لَك ودستور فِيه الدروب النَّيِّره والعَفِيفه سعود عائش الحربي - جدة مادمت واثق جد ولا انته مكبور للطيبه ترقى والمشاعر نظيفة العقل نعمة جد.وبالامثال مشكور والتغافل حكمة والاخلاق سيفه صالح البشري - الفويلق خل التعامل ياحمد مع هل الشور اهل العقول النيره والنظيفه اللي تعاملهم على الطيب محصور ولا يلحقك من يمهم دوم خيفه سعود بن ثواب سليم المطيري بيت الأسبوع كتب بيت الأسبوع الشاعر عيسى الشلاحي من الرياض والبيت يدور حول مضايقة دبابات توصيل الطلبات لقائدي السيارات ويقول الشاعر: كثر النمل توصيلهم ضايقونا في كل شارع كنهم وسط زفه نستقبل صدى هذا البيت خلال أربعة أيام من نشر البيت على إيميل الصفحة: [email protected]