يوم التأسيس

اللي بدابه الإيمام
ابن سعود محمد الله يرحمه
اسس قواعد للسعوديه تمام
مشهور في داره بسيفه وكرمه
جاور طويق وهيبته تجلا الظلام
على جنوب طويق رفرف عّلمه
من فوق تاسيسه غدا ذروة سنام
حماه اخو نوره بسيفه وقلمه
عبدالعزيز الفيصلي خصم الخصام
حما بلاد المملكه ماحد اهّزمه
ثم وحد بلاده وشد الها الحزام
في كل عام الها مجال وملحمه
واللي ورث نهجه عياله الحشام
ملوك ودهاة العرب والانظمه
واليوم ابو فهد ملكنا باحترام
يرعى هموم الشعب ماحد ٍ يظلمه
هذا ملكنا من رفيعين المقام
سلمان ابو فهد ملكنا نَخّدمه
وايضا ولي عهده محمد الضرغام
حامي حّمانا من وجيهن معّتمه
واختامها جتكم تحيات وسلام
لولاتنا والشعب وهَذي معَلمه