منظَر لِبيتٍ مِن الطِّيني مقَلَّطْ.. وسفْرَه.. وسحَّارَه

منظَر لِبيتٍ مِن الطِّيني
مقَلَّطْ.. وفْرَه.. وسحَّارَه
عليه مرَّت طويل اسنيني
تنقل موارِيه واخباره
يا فكر يا قلب يا عيني
ذا نهْج الايام دَوَّاره
يا نفس بينك او بيني
خَلِّك على الوقت صبَّاره
سعود عائش الحربي- جدة
هذي بيوت اللي لهم عصر لازال
منازل مبطي بنوها من الطين
اليوم هجرت ما بقى كود الأطلال
واثارها بقيت من مدت سنين
واللي بنوها صيتهم راح في حال
وباقي التراث مجاور شوفة العين
صناديق وسفره على العرض في جال
يا بيت وين الي سكن فيك مبطين
حمد عبدالله الوايلي -حوطة سدير
يا زمان فات يا محلا سنينك
عاشوا بك اجدادنا وقت البساطه
ما نسينا لذتك ولا زلنا ذاكرينك
وانتذكر سفرة الخوص مع شناطه
من تشوف بيوت الطين والدمعه بعينك
ما قدامي الا صورة ابوي هيبته ونشاطه
الدكاكين ضيقه وبالدفتر مكتوب دينك
الثقه موجوده لكن العالم محتاطه
خالد بن ناصر المخيمر- روضة سدير
بيتٍ قديمٍ من زمان الطفوله
يا زين وقته وبنيه وتفصاله
أحن أنا للماضي وما حوله
يوم حنا صغار وبين عمٍ وخاله
نورة الفاضل - بريدة
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد عدسة - محمد اليوسفي