حبال صمتي

جيتني والقيظ مثمر وأنت دربك ضامي
واليباس ثياب نخلك والرياح تسومه
مرّتين أكسر سنام الجور كسرٍ دامي
وأجرح ألوان الخطا من حيث فلْ غيومه
كنت أشب أوراق شعري واستفيض أقلامي
ناهبٍ شوف المعاني ولخيالي قومه
كنت أشد حبال صمتي والزعل قدّامي
والتمادي يلفح خدود الصبر بسمومه
طاحت أوراق الدقايق لين قفّى عامي
وذاق من كاس الغروب ولا صفى لحلومه
حِلْف ما احط الزهاب ولي طموحٍ سامي
والوصول يغازل الطرقه على مقسومه
ليلتين أحطب صمودي وخاطرٍ جزّامي
ولا وقع قلب الظلام وظني ذب هدومه