مُناجاه

يا نفس ياللي بين صجة ولجات
غصبٍ عليها ما تذوق ابتهاجه
وياصدر ياللي ضاق بأسباب حاجات
أعْرف سبب ضيقه ولا أقوى علاجه
ويا عين ياللي حدرها اليوم ثجات
مليانةٍ بالدمع مثل الزجاجه
وياضحك ياللي غَيّبتْه المزاجات
راعيك فالدنيا يدوّر خراجه
ويا صاحبٍ راحت علومك ولا جات
مراح قرطاسٍ خذته العجاجه
واصبّر الخاطر عن الهم سجات
اللي سواتي كيف يضحك حجاجه
مير الدوا موجود .. خير العلاجات
الطب هو ساسه وهو فص تاجه
سجدة بِتالْ الليل معها مُناجاه
تِقْضَى بها تسعة وتسعين حاجة