حنا التزمنا حين دقات الأجراس

الله ينهض يامحمد عن الناس
ماحل بالعالم سبب هالكرونا
تسكرت بيباننا مير لاباس
الفقد بيت -الله- يوم اشعرونا
عساه ماتاقع بنا شدة الباس
والله يبشرهم الى بشرونا
عسى الولي يرفع وباءً بالبشر حاس
اوضاع صحتهم وفيه اذعرونا
اللي يصيب الناس مع مجرى الانفاس
الله يدفع ماوقع وانذرونا
والله يعز اللي تحزم على ساس
ابوفهد يوم الدول حذرونا
افضى لابوسلمان ياراس نبراس
ومن فعلهم يوم ارتكوا صبرونا
وحنا التزمنا حين دقات الاجراس
بالسمع والطاعه لهم وذكرونا
متكاتفين بحزة اللين والقاس
وولاتنا وقت الخطر قدرونا
حنا وهم بالوصف عينين في راس
نشكر قيادتنا وهم يشكرونا
والله يعز الدين ويذل الانجاس
ويعز دولتنا على مايرونا
من يطلب الرحمن مايلحقه ياس
الله يدفع هالبلاء والكرونا
والله يعز اللي تحزم على ساس
ابوفهد يوم الدول حذرونا