ما تضيق من الجماله والمواجيب الصدور

ما حسبنا للمناصب دامها كرسي يدور
ومن يجي له لازمٍ ما نعتذر عن لازمه
وما ندور بالجمايل لا تجملنا ظهور
والدليل انّا انتجمل مع قليل الخاتمه
وما تضيق من الجماله والمواجيب الصدور
يستضيق اللي عن أهل الطيب ربي حارمه
وهيبة الكرسي خبيثه لا تحدك للغرور
والكبر يهدم مقامك كان مانتب هازمه
لا تشرّه بالغياب ولا تبالغ بالحضور
عند من نفسه لوقفات اهتمامك ظالمه
ولا تدقق بالمعاني والمواقف والقصور
من يدور بالبشر كامل عيونه حالمه
ومن تعذر عذر وافي ما نقول إلا معذور
دام ذكره طيبٍ ترى الردى في لايمه
ولا ترجى فزعةٍ وقت الشدايد والشرور
من كفوف اللي ما ينظر للعلوم الغانمه..