رماد الزمن

صاحبي وش فيك تبحث عن احراجي
خلها مادامها عنك مندرجه
واعطن اذنك يابعد كل هراجي
واسمع اللي لا هرج يحتمي هرجه
واضح مع طيب الناس منهاجي
والخوي اللي معي مانفض خرجه
اتقيصر فرجته لو هي افجاجي
ومن تباعد فرجته ماقطع فرجه
ياجدن لا قفلن كل الابراجي
وآتميز طيب بالساعة الحرجه
وعن مخاوى كل داني وهلباجي
شايم عنهم ونفسي سما برجه
الردي لو طاب له نوبة ماجي
والكديش ادناة شوط جدع سرجه
وان رفيقك نوشك حامي الصاجي
مرتين فاحتمل صاحبك وارجه
وثالثتهن كان اصريت تنعاجي
المراجل مابها دروب منعرجه
احفظ اسرار الصداقه بالادراجي
وكل واحد يحفظ العقد في درجه
وكان ضقت وضقت بالصبر الافراجي
خيرة الكربات ياصاح منفرجه