عنصر أساسي

يا صاحبي ما انكسرت ولا نزل راسي
وأنا ادري إن الزمن ما هو بلي مره
لو لان صلب الحديد وشفتني قاسي
اذكرني بخير في وقتك وفي شره
اليوم ما فيه كلمة تجرح احساسي
حر التجاهل وبالجرح البشر حرّة
كنت احسبك في ليالي وحشتي ناسي
واني على بالك المشغول وأمرّه
لكن ما دام الهواء ما فارق أنفاسي
لأختار عز الغرق عن ذلّة الدره
إن كان ماني لعمرك عنصر أساسي
تراك للعين ما انت اكبر من الذرة
ما كل خاتم لمع لك خاتم ألماسي
ولا كل قهوة حلاها تنشرب مرّه
عبدالجبار الجفيني