حتى الشجر فيها قفيضٍ وعايب

يالله يامنشي ركوم السحايب
يامرسل الوابل على كل ديره
ترحم بلادٍ صبّحتها اللّهايب
بهاحميم الشمس يشوي محيره
حتى الشجر فيها قفيضٍ وعايب
وأعوادها صارت تَحَتْها كسيره
وأوراقها عقب الشتاير شهايب
تبني عليها العنكبوت لْصغيره
فيها السحق يبست عليه العشايب
غدا كما صوفٍ تبعثر شريره
وحْزومها غيرا ذرتها الترايب
لجى الضحى دلاّ يساقي ذريره
حتى الذعيذع مع صليف الهبايب
يلوي غصونٍ ياللّفوح الشطيره
شعر: يوسف عبدالله الخليفة