لا للانفصال

لاعوّد الله ساعة ٍ قشرى حصل فيها طلاق
إبليس بشروره حضر فيها وصار الانفصال
لو ماحصل بين الأبو والام ألفه واتفاق
سؤال يتوجه لهم فالحال وش ذنب العيال
وش ذنب طفلٍ ينحرم من حضن امه بالفراق
وش ذنب طفلة ماتجد أيّة إجابه للسؤال
وش ذنب اسره تنهدم ويكون وضع الكل شاق
ويعيش كل افرادها عقب الهنا في خسَّ حال
وش ذنب زوجه تنصدم ابواقٍع مر المذاق
وش ذنب زوجْ يْعيش في وحده وغربه وارتحال
لاتنسوا الفضل الذي مابينكم رغم الشقاق
والله سبحانه امرْ بالصلح واعطاء له مجال
عودوا لنبض قلوبكم وين الوله والاشتياق
ياشينها الفرقه عقب ذيك الموده والوصال
لو كل من يقدم على هالفعل قبل النُطق فاق؟
ماكان قاعات المحاكم تشهد انواع الجدال
ماكان صدر المجتمع من زود هالحالات ضاق
ارقام وإحصاءات تثبت كبر حجم الاختلال
ونود نعرف من هو المسئول عن قل الوفاق
هل هو سبب كيد النساء ولاّ عدم صبر الرجال
من ياترى يقسي على الآخر وفي عشرته عاق
حتى نفذ صبر الشريك وصار ماله احتمال
متى تعامل كل زوجه زوجها باسلوب راق
متى يكون الزوج أقرب في التعامل للكمال
متى متى نلحظ تقدم واضحٍ في هالسياق
متى تكون الأسره أقرب للهدؤ من الانفعال
متى نسجل في سبيل إسعاد هالجيل إختراق
ونقول للأزواج والزوجات لا للإنفصال
مبروك بن سالم بن ماضي