النظام موضح في كل حاله شارحينه زين في كل الوسايل

كان بيت الأسبوع للشاعر حمد عبدالله الوايلي من حوطة سدير
وهو عن حث مواطني هذا البلد المعطاء على التقيد بالنظام والذي يقول:
النظام موضح في كل حاله
شارحينه زين في كل الوسايل
وقد وصل للقسم العديد من الأصداء الجميلة والرائعة:
معه خلك زين فيه وفي مجاله
لا تخالف با لنظام ولا تحايل
من تجاهل ضاع عمره ضاع ماله
واللبيب اللي يبادر بالجمايل
والصواب اموضح سهل مناله
والتهور ما يجيب الا الهوايل
علي الرشيد - رياض الخبراء
حي منهو قال جد وحي فأله
والمعد حياه وبيوت جزايل
الوصية باقيه ونكتب رساله
نمشى في اثر العزيزين الأوايل
الولا حنا هله حنا عياله
عهد اعطيناه من فرد وحمايل
طاعة الولاة بعيال وحلاله
والوفا يبقى شبيه جبال حايل
صالح محمد محارب البشري - الرياض
كل شي منظم وبنده لحاله
بالتطوّر والعلوم وبالدلايل
مانعيش اليوم في عصر الجهاله
والمعارف مالنا عنها بدايل
وإلتزامك بالنظام أقوىٰ رساله
تعكس أخلاقك ودينك والفضايل
سفر الشيباني - الرياض
افهموا دربه ترى هذي رساله
فخرنا انتم عزيزين واصايل
من مشاه اليوم يامطيب فعاله
ذي سلوم طيبه ماله مثايل
ذي بلاد الدين ولا يوجد مثاله
النظام هو مطلبن والشك زايل
محمد بن عبدالعزيز الخنيفر - أشيقر
البلد تسعى لتحقيق العداله
بين شعب المملكه وبشكل كامل
سنّة أنظمةٍ بها يسر وسهاله
في إطارٍ يضبط أسلوب التعامل
ما بها عذرٍ لمن يبدي الجهاله
وُضّحتْ للناس في كل الوسايل
ناصر جمعان آل عوض - وادي الدواسر
ياهني من هو مشى درب العداله
في وطنا العدل لرجالن اصايل
ومن سعى للخير يهنا في وصاله
ومن مشى ضده ترى بالشر عايل
ذي بلاد الشرع وبلاد العداله
ينتبه للي موثق بالرسايل
ريان بن محمد الخنيفر - أشيقر
بيت الأسبوع
كتبه للصفحة الشاعر صالح محمد محارب البشري من الرياض ويقول:
الله يعز الدين وي حفظ سلمان
ويمد عمر محمد ن بالقياده
نستقبل صدى هذا البيت بثلاثة أبيات تدور حول هذا الموضوع، وخلال أربعة أيام من نشر البيت على الإيميل:
rb-khozama@alriyadh.com