كان كاتب اللغز الماضي الشاعر محمد ابراهيم الفهيد من الزلفي والذي يقول: الحيه اللي راسها يقطع الراس من حطها بيديه عجل وفاته وتر قربها مافيه عز ونوماس لغز كتبته حله اليوم هاته وتوصل للحل شعرا : الحيه اللي فعلها كنه الفاس اليا وقع بالراس زود شتاته ماغيرها الشيشه سبب هم واتعاس ذنب على المسلم وتدمر حياته عجمي العوفي-القصيم الله يعصم من شهقها بالأنفاس حتى شمع قطرانها في رئاته الشيشه اللي شربها ماهو نوماس ياشارب الدخان شف مشكلاته شلاش بن بلال العنزي - الرياض يا راعي اللغز المثمّن كما الماس بعد السلام ورحمته وبركاته الشيشة اللي شرها يذبح الناس محدًا شربها الا و ضيّع حياته بدر المالكي سلام يا ابن فهيد تعداد الأطعاس وعداد همال المطر وقطراته لقيت حل اللغز وارسلت بالفاكس هذيك تعميره نحذر هواته علي رشيد الرشيد-رياض الخبراء يا محمد بن فهيد لغزك على ساس واضح من أسلوبه عرفنا صفاته نرجيله ما عقبها غير الإفلاس واللي يمارسها تروح بحياته طلال الرشيد-الجبيل يا راعي الزلفي بغى الراس ينحاس اللغز تعميره وحله وفاته انا عرفت الحل والربع جلاس وان كان عندك غير هاللغز هاته محمد ابو دحيم-البدائع يا بدر شب النار واستقبل الناس واقرأ علي اللغز واذكر صفاته حتى نعرف الحل ونشارك الناس ونقول تعميره ولا هي شماته دانه عبدالله السلطان -الرياض ارسلت رجال مع البر عساس ولقى الفياض مخضره من نباته ياللي تشيش اترك الليّ والراس كم واحدٍ من سبته هي مماته خليف فهيد المرواني - الرياض زار المقاهي قال بيعدل الرأس مير ا لبلا هالرأس دمَّر حياته شيشه لها نكهات سم للانفاس كله خبايث ماذكروا طيباته عبداللطيف الحُمَيَّانِي - عنيزة لغز الخزامى يفهمه ناس من ناس والرد في وقته هذي حلاته والنار حية حرها يلهب الراس من راس تعميره عسى ما شماته فالح غازي الحربي- رياض الخبراء الشيشه اللي ريحها يوجع الراس اللي شربها ماتسوي سواته هذي نصيحه وسمعو قلت يا ناس اللي وقع فيها بتعلن وفاته سعد صنهات السهلي - الدرعيه اللغز لامن صارمبني على ساس سبك ونظم باتقان هذي حلاته وارسلت أنا حله مثل باقي الناس ومن يشرب الشيشه تسبب مماته علي بن عبدالله الغزي --- الزلفي ياللي كتبت اللغز في وسط قرطاس صغت المعاني والمعاني زهاته من زاوله يبشر ويبشر بالافلاس تعميرة تحرق وتحرق لهاته عبد المحسن محمد المحيسن - رياض الخبراء الشيشه اللي ما تنومس تنوماس ليت المشيش يتركه ياحلاته اليا تاخر عنها صار محتاس يطلب حجر بيكيف الراس ذاته فارس الحربي - الرياض يا شاعر تنظم عقود من الماس شعرك كما شهد تقاطر حلاته واللغز صفته وأنت مرهف وحساس ومن يشرب الشيشة يا مسرع مماته عطا الله بن سليمان العطا الله- الزلفي من سمها الفتاك يا طيب الساس هدت شرايين القلب مع لهاته كم راح من هاك الخبيثة من الناس وكم شخص الشيشه سببها مماته علي الزولاني الفيفي - بيشة الله لا يبلانا بلاوي هكا الناس اللي على التدخين وده وهاته الشيشه الشيشه تاثر بالانفاس ودايم راعيها مبتلش في حياته فهد العويجان - رالرياض لغز الاسبوع يكتبه للصفحة الشاعرعلي رشيد الرشيد من رياض الخبراء ويقول: ويش الفتاة اللي لها زود تقدير عيو ثلاثه حملها قصدهم خوف واللي حملها شخص والأمر تدبير قول موثق شف بالآيات معروف نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاويتين.
