للشعر موعد

‫ للشعر موعد يا بعد بعض الاوعاد
لو غاب لابده يجي وقت ويعود
يجيبه الهوجاس للصدر منقاد
ويلفظ به لساني على هبة النود
اسهر معه لامن رقد كل رقاد
لو ان مالي منه صالح ولازود
الاعن هموم قديمات وجداد
اسج سجات بدوي مع الذود
قدام وضح دايم قدم الاذواد
وليندبها مابقى لو مفرود
ماهي جلايب كلها عنده اتلاد
من ساسها لياراسها ورثة جدود
اسج سجاته وللعد وراد
وكل تخير عد باصرامة العود
واخترت عد كل ماتارده زاد
مافيه عد الاومن جوده يجود
عد الذي له المسلمين سجاد
الكل فاني والبقا لخير معبود
الشعر ديوان العرب حرز الامجاد
ويشهر بها ما يرده حدود وجنود
مكانته دايم على روس الاشهاد
ومن نزله ينزل امنزال منقود
اللي يتكسب بالشعر جعل مافاد
رزق الولي في كل الابواب موجود
الرجل عن مايطمن الراس زهاد
العز راس المال والعمر محدود
العمر فرصه واغتنام الفرص ماد
وحصيل هالفرصه بلا شك مطرود
وكل على اهدافه قريبات وابعاد
هج الركايب بين صايد ومصيود
ويبقى الذكر والا الاوادم للالحاد
ومن طاب ذكره حي لو كان مفقود
مثل البدر مشيوف في بر وبلاد
مجد يورخ به عهود وراءعهود
لهيلم زايد المويس