الفضل لّلي لنعمته شاكرينا والشكر لّلي فارضٍ الصلاوت وببدأ القصيدة وللهدف عارفينا هذا ولي بالشعر بعض المعرفات أشوف لي ناسٍ تفرّه علينا مرٍ بجرايدها ومرٍّ بإذاعات تكالبوا من حولنا المغرضينا وش حاصلٍ يا أهل النوايا الخبيثات وياما نسينا وكن مادرينا وعند الشدايد يظهرنّ العدوات وياما بذلنا الطيب وياما عطينا ولامن طلب فزعة نجيهم بفزعات شوفوا وش اللي صار للمسلمينا تدمير بلدانٍ وقتلٍ وسرقات وكم في سجون العالم مسجنينا ومصايبٍ فسجونهم وإنتهاكات وعلى السعودي سمّكم ناثرينا تبّت يديكم وأبشروا بالخسارات ولاّ على خيراتنا حاسدينا العز لنا وإلكم مذلّه وحسرات وحنا سعوديين ياالجاهلينا وحنا هل الطولات وأهل المروّات وحنا هل النخوات لامن نخينا ونرسي كما ترسي الجبال المنيفات وحنا كرام ونكرم المكرمينا وبيوتنا لأهل المكارم مبنّات ومن طبعنا لضيوفنا مرحبينا ومن صدّ مانكثر عليه الحسوفات ومن جاء يبينا لشر له محتسينا ومنّا من اللي ياخذونه بغرّات وكثر التجارب درس للعارفينا ومن التجارب تكسب الناس خبرات وحنّا ملكنا لاومرنا مشينا له ولوليّ العهد بسمعٍ وطاعات حكامنا منّا وأهلنا وفينا ولا تفرّقنا السوالف وإشاعات وعلى أمننا مانقبل مساومينا وأمن الوطن مافيه سومٍ وبيعات وأبطالنا بحدودنا مرابطينا فالأرض نيرانٍ وفالجو غارات ومدرّبين وف اللقاء صاملينا ومحاربينٍ من عصورٍ قديمات مع أبوتركي أجدادهم من سنينا ومع المؤسس يوم عهد الفتوحات ولا نعتدي ولا نقبل المعتدينا وعدوّنا بياخذ على الوجه لطمات وحنّا ليا منّا وعدنا وفينا ولنا معرفة في فنون السياسات وهادين في سياساتنا وواثقينا ولانّا من اللي يطير في كل عجّات ملكم علينا فضل يامهدّدينا ولا أحدٍ له أفضالٍ علينا ومنّات ومن قبل نعرفكم وحنْ عايشينا ولا عاش من يفرض علينا العقوبات وأجدادنا من قبل لنا صابرينا في جوع ولكن حافظين الكرامات وحنّا بخير وللنعم شاكرينا لاشك وقت اليوم فيه إختلافات قالها وليّ العهد يا الفاهمينا نبي نتقدّم في صفوف الحضارات أمير الشباب وقايدٍ للسفينا قاد السفينة وأحتمل للصعوبات ومعه شباب المملكة سايرينا ولافيه تفريطٍ بدينٍ وعادات ونبي نتطوّر غصب يا الحاقدينا ونبي ننوّع في أصناف الصناعات وبنتسبق الّلي بالعلم سابقينا وناوين ولو طالت علينا المسافات وبنبني مصانع من عرقنا ويدينا ونبي صناعاتٍ خفاف وثقيلات ونبي مشاريعٍ ومستثمرينا وجاء وقتكم يامدوّرين التجارات ولنا شباب مؤهلٍ دارسينا وفي كل مجالٍ ماخذين الشهادات وش عذرنا من أجيالنا القادمينا مدام لنا في حاضر الوقت فرصات فيصل بن منصور المفقاعي
