الغربة

أيام الغلا
غرقت بغلاها مغرم مثل غرقت نوح
ولاادري عن أيام الغلا وش خواتمها
وانا مبتلٍ فيها ولالي وراها شبوح
مفاتيح قلبي في يديها مسلمها
اليا قلت خفي حبك اللي تعدا الموح
تجيني بنغمات ٍ على القلب ترسمها
تجيني باساليبٍ تزيد الجروح جروح
خذتني بضحك احجاجها مع تبسمها
شِعر - محمد خلف الخس
الذكريات القديمه
أرجوك تنسى الذكريات القديمه
تجديدها لا بد يجرح حدينا
ضحك القلوب الطاهرة والسليمه
جرح العيون بصمتنا لا بكينا
خل التفاصيل الحميمة .. حميمه
كانت مجرّد تجربة وانتهينا
ما للعتب من بعد نكران قيمه
ولا ينجبر كاسٍ تكسر بايدينا
شِعر - سليمان المانع
فتنة البدوان
ظبي قفرٍ من على خده علامه
فتنة البدوان من سكان عينه
من غواه ورقته وحلو ابتسامه
جا يصب الصبح في كاس المدينه
احتضن كفي لكفه في سلامه
ونبتت بكفي جناين يا سمينه
شِعر - سيف السعدي
الغربة
طول الليل .. والغربه
وهمٍ بالحشا ما غاب
وظروفٍ غدت صعبه
وحزنٍ عاد بعد غياب
وخلّي يا قسا قلبه
ذبحني بلا خطا وأسباب
شِعر - رجوى الخالدي «أوامر»
سيف السعدي
سليمان المانع
Your browser does not support the video tag.