نهاية عام.. وبداية العام

على نهاية عام .. وبداية العام
نرجي من المعبود يدمح خطانا
ويغفر جميع ذنوبنا رب الأنام
اللي يحقق بالدعا مبتغانا
ربٍ يدبر كل خلقه والأيام
ويعلم بغيب الوقت واللي ورانا
لا شك مال العبد حيله ولا دام
والعمر مهما طال ماله ضمانا
وأخير ما يغنيه في الموقف الهام
مكسب وداد الناس طول الزمانا
ويمشي بفعل الخير ويحث الأقدام
ويجعل محله في رفيع المكانا
ويقوم بالماجوب للطيب مقدام
على الكرم والجود فعله يبانا
صافي ضمير ولا يدور للأخصام
ويبعد عن دروب الردى والهوانا
ولا يصير من بين المخاليق نمام
يازن كلامه قبل زل اللسانا
ويصبر على الزلات لوكان ينضام
الصفح عنوانه وسيع البطانا
وياصل مواصيله معا كل الارحام
ومن ياصل الأرحام نال الجنانا
قلت الحقيقة والحقيقة لها اوسام
والله هو الرحمن.. والمستعانا
نواف محمد الصخابرة
Your browser does not support the video tag.