شاطئ الأحزان

يا شاطي الأحزان من وين يمّمت
تبحر بي القيفان ل احضان مرساك
أكتب على موجك قصيدة اذا همت
وتكسّر أبياتي على حد رجواك
تطري عليّ بالليل واقضيه مانمت
وتطري عليّ بالصبح وأشفق للقياك
دايم تورّالي .. وطيفك توهّمت
حسبي على طيفك وجورك وطرياك
مدّيت لك كف المعاليق واكرمت
وبخلت في عطفك وودّك ولاماك
ليت الوصل ينباع ل شريه ماسمت
و اكسيه من وجدي غلا واتحفّافك
لو انّني قبل اوصلك ما تحطّمت
ولاحت مجاديفي ترجّى وتنخاك
لو انّني قبل اوصلك ما تألّمت
وأغرقت فأعماقي والانفاس نجواك
كان ارتميت وفي محيطك تلملمت
وفي رملك الخالص تدانيت مركاك
لكنّها القسمة خذيت .. وتبسّمت
وربّي قسم لك طيب نفسك ومجناك
Your browser does not support the video tag.