راعي النفس العزيزه على الذله شجيع

والله ان صدر المحبه على مثلك وسيع
لكن احذر بالخطا تاصل لحد الغلو
لا يغرك قلبي ولا تحزم به شفيع
والله اني لا دعس القلب ياحامض حلو
حبك اللي فوق قمة جبل قلبي بديع
لا يدربيه التغلي ويهوي من علو
لا يغرك صافي الخد والطرف الوسيع
مايفيد البير دامه بلا حبل ودلو
دام وصلك مبتسم لي وله صوت سجيع
ليه عاقد لي حجاجك وفي نفسك علو
راعي النفس العزيزه على الذله شجيع
والله ان يسلى عن الحب مع منهم سلو
عبدالله العصيمي بن داود
Your browser does not support the video tag.