يا خدين القاف وين اللي تجي مثل النسيم وصدّها مثل الهبايب

ماشكت ضيم الليالي كل يوم ٍتبتسم للهم والغم تْغمزله
علمتني كيف عشق اهل الترف لا من وقفت وعانق الصلب الترايب
وابعدتني عن متاهات الدروب وعن غرام ٍ كل شرٍ يرتكزله
في دهاليز الغياب اسهرت عيني في رجا اللقيا وانا جروحي عطايب
ما معي غير القصيد وما كتبت بحسنها الفتّان غير ابيات جزلة
عيطموسٍ في جدايلها كما الليل العتيم وخدها برق السحايب
لا مشت تزهر خطاها والمعالم تنحني للقد و يطيح الخرزله
ما تنام إلى على كف الرضا وإليا تضايق صدرها صارت طلايب
من ظفر فيها سعيد و عزلةٍ معها عن العالم حشى ما هيب عزلة
في سوالفها أمل للّي فقد لذة حياته واجرمت فيه المصايب
والهدب مركب نجاه وجيدها وادي سحيقٍ بآخره طلعه ونزلة
كل عرقٍ من عروقي ينزف بحب وغلا والنار في جوفي لهايب
من سببها عفت كل البيض وأرخصت الهوى يأهل الهوى جِّده وهزله
سالم البلوي
Your browser does not support the video tag.