ياسيدي سلمان تبشر بالولاء طول العمر

ياموطني عين العدو جاها العمى والله معاك
وانا سعودي وافتخر في موطني لي الفخر
ياكثر حساد الوطن يالله حنا في رجاك
وياسيدي سلمان تبشر بالولاء طول العمر
حبك بقى والله بقى ونعيش دوماً في ذراك
دامك ملك ويش انتظر بكتب جمل واكتب شعر
انت الغلا وانت الوفاء متنا وعشنا في غلاك
نورك بدا والله بدا واضح مثل ضو القمر
تامر على اللي تطلبه وارواحنا والله فداك
انته لنا تبقى لنا ... والحمد لله والشكر
ياسيدي تبقى كذا حب وغلا شعبك يباك
سر المحبه بالصدور يفوح فوحات العطر
يابوفهد هذا وعد مانخلفه نبقى معاك
حنى معك والله معك مثل السفن وسط البحر
اخر كلام مني سلام والله يسعدلي مساك
وختامها صلو على محمد واله يابشر
فهد عوض الشميلاني