لا تاخذ بخاطرك

يا سيّد أحبابي انت ويا الجديد القديم
تعال اسولف لك الاحزان واشاطرك
مليتني بألف سين ولا تفوّهت جيم
في ذمّتك ما استحى قلبك وانا ناطرك؟
يومك تهاب الطريق ووحشته والعتيم
وراك تسريه وتعنّي معه فاطرك !
وراك تبخل معي وانت الجواد الكريم؟!
مدري تبدّي فيَضانك على ماطرك!
لك سبعة سنين ضيف ولا انت راضي تقيم
لا رحت ربعك ولا عنّي برَد عاطرك
شبيت لك نار وضلوعي لنارك هشيم
وخلّيتني كل يوم اعيش مَخاطرك
واليوم صبري نفد والصبر ما يستديم
ب ارحل ولا تزعل ولا تاخذ بخاطرك.