هواية الناس الاصليين بالصيد يقضون ساعات القنص بالوناسه مسموح لكن دون فرد وبواريد يكفيك طيرك مع كلاب الحراسه أرض القنص تحتاج حرصٍ وتحديد وصيدٍ مقنن دون جور وشراسه واعرف ترى الدنيا حساب ومواعيد وكلٍ يجيبه يا ابيض الوجه ساسه سعيد العسوج السبع جايع والتقى في مرامه أرنب ضعيف في فم السبع مقضوب الله ضمن رزقه وجابه أمامه شيٍ مقدر بأول العمر مكتوب خلق مدبر للخطر .. والسلامه ترى القدر ما فيه هذوا وملعوب علي الرشيد - رياض الخبراء لا وعذاب أم الأذان الطوالي راحت عشاء للي عيونه مشاهيب في جرهدٍ ما فيه فركت مجالي ثوّر عجاج الأرض وأدرك مطاليب هوى عليها مثل طير الشمالي ثم صادها بين الضلوع المحاديب يا ذيب ياللي ساكنٍ في الجبالي ترى السهل فيه العنا والمصاعيب حمد عبدالله الوايلي - حوطة سدير يا ونتي ونّت المطرود تخاطفوه السلوقيه الارنب اللي طلع مقرود ماحسّب احساب هالجيه اللي يجي حولهم مفقود ما فيه روحه ولا جيه هذي السلق ليتها ماتعود واتيه بأرضٍ خليه عبدالكريم عبدالرحمن السلوم - القرائن مدري وش اللي صايد ارنب البر ما بان شكله من غبارٍ مغطيه بسم الله الرحمن من شوف اقشر يدّه تقول إنسان بان العظم فيه لو شفت شكله في الطبيعه فالا أصبر بهج خوف لمنظره هيكل ايديه سعود عبدالعزيز الهزاع - نعام صيد العصا والمطلقات حلال مثل السلوقي يوم صاد الفريسه الارنب اللي جابها طيّب الفال اما عشا مشوي ولا حميسه الكلب كلب الصيد من عصر الاجيال يعطا حليب العنز ولا المريسه شجعان سعود العتيبي - الرياض صيد السلق متعه وراعيه شفقان دايم يخوتع لا أدمس الليل يصطاد اما لحق ارنب وجابته نيبان والا كسب جربوع من كر وطراد ما يفلس الماخوذ لو صاد ما كان تكفى شويه لا أصبح الصبح هي زاد يا رب ترزقنا من الصيد ويبان في شهر ديسمبر إذا الله اراد هذا القنص لا قالوا الصيد شعبان هذا الطعم والذوق والصيد لاصاد عبدالكريم النغيمشي - لوذة كلبٍ يهاجم في البراري فريسه في صورةٍ تلفت لها أنظار الإعجاب ومن قو هدّه زاد عجّة حويسه والصيد أرنب بين فكين.. وأنياب سعد ناصر المسفر دورة حياة الكون تدبير واليه فيه البعض يحيى على موتت الثاني هذا السلوقي عند راعيه مغليه يا كم أرنبٍ صادها في ثواني وراعيه يفطن للقنص دوم يناديه دايم خويه كان للصيد عاني الصيد من ماض الزمن لين تاليه بشتى الوسايل واختلاف المكاني سعود عائش الحربي - جدة الأرنب اللي حظها صار منحوس طاحت بيدين اللي يصيد الفريسه جاها على غفله وشكله كما القوس ضيّق عليها لين صارت حويسه راحت وطي ومزاجها صار معفوس يا الله دخيلك من حياةٍ تعيسه مخالبه يا أهل المعرفة كما الموس والوثب عالي يصعب إنك تقيسه خالد ناصر المخيمر - روضة سدير كلب القنص فارد الإيدي وسط البراري تشوفونه في عجته هاجم الصيدي كلبٍ مدرّب .. وينادونه ولصيدته دايم يجيدي فريد .. يا مكثر فنونه سريع في صيده يفيدي ما هو غريبٍ يحبونه بشائر القحطاني - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] ويا هلا.. صورة العدد السابق
