سيف الصد

آه يا قلب الشقاوي
كل ليله فيك عله
كل جرح (ن ) فيك غاوي
يجرح القلب ويتله
وكل هم (ن ) فيك ضاوي
لو سرح دقه وجله
من طعون الوقت راوي
مير جرح الوقت خله
يوم ذيب الشوق عاوي
كل جرح ن في محله
ينتظر وعدك وقاوي
من على رجم ن مطله
ممحله ليل وسناوي
وبالحنايا العوج مله
جمرها ثغر وحكاوي
وطيفها فنجال دله
لا تقول البعد ناوي
وسيف صدك لا تسله
يعشقك جرحي وهاوي
دام ما للحب مله
بين صدك والهقاوي
لا يضيع العمر كله
وش بقى ماعاد قاوي
يكسر الصمت ويحله
في ظمأ حلم و حراوي
تسقي اليأس وتبله
انقطع حبل الرجاوي
كل ليله منك زله
وكل جرح ن فيك ( هاوي )
( احترف ) بعدك ومله
الهوى درب المناوي
لو مشيته ما تدله
مالقينا له مداوي
وكم عزيز (ن) قوم ذله
آه يا قلب الشقاوي
انطعن من سيف خله!!