براية التوحيد رفرف يا علم

كل عام لا والله إلا كل حين
وأنتِ بخير ومنْك أبد ما ننحرم
يا قبلة الإسلام عشق المسلمين
ملوكك الحكام خدّام الحرم
عشتي بلاد العز مرفوعة جبين
وبراية التوحيد رفرف يا علم
يا جعل يفدونك جموع الحاسدين
اللي عصفهم عزم عاصفة الحزم
نرخص عشان ترابك العمر الثمين
النصر لك واللي يعاديك انهزم
سلمان سيفك يا ملاذ الخايفين
يقطع يدين الفرس وآمال العجم
ومحمد اللي حازها دنيا ودين
فطنة.. شجاعة.. رؤية.. وعلم.. وكرم
محبتك يا دار مثل الاكسجين
نتنفسك يا موطن كبار الهمم
أنتِ سكنتي نبض قلب وشوف عين
قمة وبك نشمخ على روس القمم
تاريخ أرضك ما تجغرفه السنين
واللي نواك بشر عمره ما سلم
منك ابتدت رسالة الهادي الأمين
يا خير أمة أخرجت بين الأمم
أختارك المعبود رب العالمين
هذا هو التاريخ واكتب يا قلم
ثاني الدهمشي