الله يعزك يا وطنا ويحميك

ويكفيك من شر المحن والظلالي
ياموطني بالروح والدم نفديك
تبقى (بعون الله) شامخ وعالي
النار والبارود للي يعاديك
من فكّر يمسّك يذوق الوبالي
من دون حدّك جيش جاهز ب تكتيك
يمشي على درب الخطر ما يبالي
وتعيش يا (سلمان) سم(ن) لأعاديك
ول شعبك العِد القراح الزلالي
(سلمان) يا الحر الأبي.. من يباريك ؟!
يالفارس الشهم الشجاع المثالي
شعبك يعيش بخير من مدت إيديك
لرضاك شعبك يشرب المر حالي
شعبك إيلى شافك يغني: هلا فيك
يا تاج راس الحزم يا راس مالي
إن قلت حان الوقت.. جاوبك: لبيك
أبشر بنا في سلم والا قتالي
رهن الإشارة لك قبل ترفع إيديك
من شرقنا مع غربنا للشمالي
ياموطني منصور والله حاميك
منصور بإذن الله أول و تالي