دلّة هل الطيب

ياكرهني لدلّة هل الحقد كرهاه
لو انها رسلان زين المعاميل
ولو تمرهم من نخلهم قطفهم ياه
اخلاص اشقر عقب ما يظهر سهيل
وياحبني لجلسة هل الطيب حبّاه
مع دلة تنعشك من رايب الهيل
من كف واحد تمكن الحمل يسراه
وشلون لو يمناه جاتك هماليل
ويمد لك فنجال في كف يمناه
هيله غلاه وفزعته لا ظلم الليل
والا الغلا ماهوب دلّه ومركاه
مير الغلا تقدير عند الرجاجيل
ولو الغلا ينقاس بالبن واعطاه
للقهوجي نبني كبير التماثيل