يوم الوطن يوم علينا عزيزي

ويوم الوطن يوم نحبه وغالي
حب الوطن مركوز فينا ركيزي
حبه نما فينا وحنا عيالي
يوم يذكرنا بعبدالعزيز
وحد جنوب او غرب وشرق وشمالي
بسيف خذها يوم هزه هزيزي
شجاع وبالهمه وعزم الرجالي
وتشهد له العربان والانقليزي
وتشهد له البيداء سنين خوالي
وقت مضى ياناس جز اوجزيزي
وقت مضى مسلوب راعي الحلالي
والخوف فقلوب العرب له فزيزي
وكل يروعه شوف زول الظلالي
ومن جا ابوتركي وكل عزيزي
والكل بعده صار منعم وسالي
وفي عهدسلمان في وقت وجيزي
المملكه يضرب بها المثالي
ويالله ثم يالله ماظني تيزي
انصر ملكنا ياعزيز الجلالي
ويعيش سلمان ملكنا العزيزي
ابو فهد يبقى سنين طوالي