المجد يحكي دايم الدوم عنا

يحيا مليك العزم والحزم سلمان
إمامنا العادل وعاهل بلدنا
وتحيا ربوع المملكة ف امن وآمان
في ظل بن نايف زبون المجنا
ويحيا ابن سلمان وابطال شجعان
على العدى سقم ٍ وسيفٍ محنا
ويحيون آل سعود ذربين الايمان
حكامنا قادة وطنا واهلنا
والشعب في هالمملكة أهل واخوان
وطير السعد رفرف علينا وغنى
ف أجمل وطن مشهور من بين الأوطان
ولابه وطن شامخ يشابه وطنا
يكفيه فخر انه فقط دار الايمان
وش عاد لو قلنا وقلنا وقلنا
ويكفيه عِز إنه مهد خير الأديان
واعظم نبي في دعوته ما توّنا
طه الحبيب المصطفى نور الاكوان
هو سيّد الثقلين إنسٍ وجِنا
وتتقزم الأقوال في كل الأحيان
والمجد يحكي دايم الدوم عنا
وحنا هل الطالات في كل الازمان
وحنا حمات الدين والشرع حنا
وحنا ليا من قامت الحرب فرسان
وشعارنا التوحيد من يوم كنا
حنا السعوديين للطيب عنوان
والجود والمعروف فينا ومِنا
وحنا دعاة الخير في كل ميدان
ونبطل شرور اللي علينا تجنّى
وحنا سند كل من قسى دهره وشان
وقته ومن قسوة زمانه زبنا
وحنا قبْل ما تُذكرحقوق الانسان
لحقوق كل الناس بالشرع صنا