الله على طاير الشّحرور وقّع على النّسر وارتاحي يقطع مسافات.. وابحور ما همّك الجو.. وارياحي ثبت وأنته كما العصفور يومك على الغصن صداحي عبدالكريم عبدالرحمن السلّوم - القرائن من اول بالجو تشهر وطربان لكن غراب البين داس المهابه لك موقف ما بين حر وشيهان هذا مكانك كان تبغى الحزابه ترى الزمن دوار في كل الاوطان يجري على المخلوق لو ما درا به اصبر على جور الدهر اي ما كان كثر القلقل للقلب يكثر عذابه علي الرشيد - رياض الخبراء الطير الاشقر جارح وفارد الريش في الجو حلق باغي له معيشه يوم استوى من فوق ذيك النشانيش يا طول طوله يا بكر طول ريشه وقع عليه اللي يدور تحاريش مدري فسق والا يدور نقيشه ويا طير حذرا لا تكثر تعاريش يمكن يخبطك لين تصبح جريشه حمد عبدالله الوايلي - حوطة سدير هذا التكاتف والتعاون بين طيرين وقتٍ عجز بالجو جا له خويه هذي شهامة طير وين المجيبين تعاون معروف والله قويه وهذي رساله للرجال الفهيمين فيها المواعظ وافهموها سويه محمد عبدالعزيز الخنيفر - أشيقر يالطاير اللي فزعتك ما لها حد شايل رفيقك يوم قصرت هقاويه مدري مريض والا له الحيل منهد والا سبوقه عاجزه لا توديه عزالله اللي صرت له مسند وعضد وقت الصمايل اعرف اللي تخاويه بعض الطيور في شوفها شوفة السعد والبعض الآخر يخسر اللي يباريه خالد ناصر المخيمر - روضة سدير يطير ياللي بالفضاء شايلٍ طير بالله قلي وين ودك توديه مابه تشابه في الشكل والمناقير بري وبحري وين تم القىفيه ان كان هو عشقٍ مفضل على الغير حضك سعيدٍ لا تفرط وترميه سعود عبد العزيز الهزاع - نعام شوفوا التعاون ياهل العرف شوفوه انا اشهد ان الطير بالاخلاص معروف اسعف صغير ربعه اليوم خلوه سلم التكاتف بينهم دوم موصوف ياباغي الخير واضح وتلقوه خذوا عبر وانتم هل الفكر والشوف ريان محمد الخنيفر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 ويا هلا..
