عظمك هش

مانته بمسموح ولانته بمعذور
اقولها لك كاش فوق البلاطه
انا احسبنك تفهم العلم والشور
واثرك عبيط فيك كل العباطه
حاولت اجبر عظمك اللي به كسور
لكن عظمك هش وفيه انشطاطه
ياما تحملتك على الضيم والجور
واكظم على غيضي وحكم رباطه
صابر من ايام وصابر من شهور
عل وعسى حالك يفل انبساطه
لكن خساره فيك كبرا ومغرور
غرك زمانك ونفرش لك صراطه
دامك كذا ما ينبني بيننا جسور
امسح حروف الود وامسح نقاطه
بان المخبى ونفضح كل مستور
والثوب منه زال سلك الخياطه
خلاص روح وانتهى كل مسطور
وقطع علاقات الغلا وارتباطه
نفسي عزيزه عن دعاويك محذور
ربيتها في عز عال انضباطه