يا قبلة الإسلام

يقول من ساقه هواجس اشحاح
في موقف فيه الخواطر وسيعه
من شاعر وجده على الطي فواح
ادنا هجوس الوجد اخذها مزيعه
بنوادر عنها المناقيد الاشفاح
تقصر خطاها واحتلت بطاليعه
يفهم بها العارف كما فهم الاصباح
ويجهل بها اللي ما يحفظ الوديعه
اسوقها سوق المحاميل سراح
غوالي في خاطري لي شفيعة
انا سعودي في سما المجد سباح
من فوق هام السحب داري رفيعه
يا دار حنا لك نفادي بالأرواح
حنا دروعك والحصون المنيعه
حنا الحرس لنا الموازين رجاع
ترجح وترسي عند قدح الذريعه
يا دار للعاصي نهاية ومطراح
ولك عز يا دار الفخر والشريعه
بالخير تنعم يا وطن دوم وافراح
في ظل حكم ملوك نجد الشجيعه
لبسك اخو نوره بعد سيف ورماح
ورفعك فوق ولك رجال مطيعه
يفخر بك سعودي ويا من ومرتاح
واسمك صداه بكل محفل يذيعه
يا قبلة الإسلام يا عشق الارواح
دمتي لنا من الحسد والقطيعه
عايد عايض العتيبي