من عاش بالغرات والحيله اعتنا

يا الله عساه ايامها اليوم زاينه
يومن ليا ليها مع الوقت شاينه
عساك فى ايامها اليوم مهتنى
وكل من صبر ياسعود يظفر بعاينه
وعساك فى دوراتها اليوم معتلى
فى راس عيطا نايلً كل با ينه
وترا صروف الوقت تارد على الفتا
اما يجيها او تجيله بحاينه
وترا الليالى دورها يظهر الخفا
لقلوب ناس وناس تاقف تعاينه
ومن لا قضب دينه وخلقه ومبدئه
يعيش عمره دايم الدوم هاينه
ومن عاش بصدق المجرب اهتنا
ولا يهتنى بالكذب مهفى حساينه
ومن عاش بالغرات والحيله اعتنا
ويصير مذومٍ ونفسه اداينه
ومن لا صبر يسقم وتسقم حالته
ويعيب ما عابه وتبلا ضماينه
ومن هام درب الكبر والنقل والريا
يضيع تايه والمناوي ثماينه
ومن يترك الماجوب فالعسر والرخا
يعيش بصده وتكثر حزاينه
والطيب واهل الطيب يا كثر عدهم
والا الردا مكروه تكثر ضغاينه
هذا وهيضنى قولٍ بدعته
والقول برهانٍ وترجح علاينه
هذا وصلى الله على سيد البشر
محمد المختار مرسى سناينه
سعد بن شليه