كتبه للصفحة الشاعر محمد العجلان من الرياض ويقول: ويش بنت هنوف تعترض بالطريق من نشدها عرف من علمها مايريد كاشفه للعدو وايضا بعد للصديق علمها ثابت وتلبس ثياب حديد والحلول من الشعراء: هاك مني تحية فل وورد عبيق صح لسانك يشاعر جبت لغزٍ فريد لوحةٍ ثبتوها ذات معنى عميق تشوفها راكبه في كل دربٍ جديد احمد بن ناصر المحرج - الرياض مرحبا مرحبا باللغز رجل (ن) رفيق بصفحه للخزامى فوق طرس جديد حلنا يوصلك في بدع نضمن رقيق ذيك لوحه وفيها ارشاد علم مفيد فزاع عبدالله الشمري - حائل حلها واضحٍ والحل يبرق بريق مثل برق السما لا بان نوضه وكيد لوحة الطرْق حل اللغز حلٍّ يليق تكشف الدرب ثم تعطيك علمٍ يفيد سعد السبيعي - الأفلاج يا هلا يا محمد طبت مالك عويق مرحبا عد رمل بالبراري يزيد حل لغزك نشوفه في يمين الطريق لوحة ترشد الماشي بالامر الوكيد علي رشيد الرشيد - رياض الخبراء يا محمد هنوفك لوحة بالطريق ترشد اللي يمره من قريب او بعيد تنفعك بالبراري او حي الفريق احترق لغزك اللوحه وهات الجديد محمد ابودحيم - البدائع المسافر الا منه قرا مايضيق لوحتن ترشد اللي من قريب وبعيد تنطق الصدق مايزعل بصدقه صديق كل منهو مسافر منها يستفيد سعد صنهات السهلي- الدرعية مرحبا ابن عجلان وهلا بالرفيق واخص منهم فهيم حل لغز فريد لوحة الطرق تلقاها بجنب الطريق ترشد الجاهل وتعطيه راي ن سديد صالح بن ابراهيم السنيدي - الحرييق المسافر يشاهد لوحةٍ فالطريق محدده للمسافه وسرعة ما تزيد ترشدك بالنهار وليل تبرق بريق كنها نور ساهر للمخالف يصيد عبداللطيف الحُمَيَّانِي - عنيزة من يريد السفر له ينفتح بالطريق وكل هنوف جميله يخطبه من يريد لوحة ارشاد حله رمعة ما تعيق في الشوارع نشوفه وكل يوم تزيد خليف بن فهيد الحربي - الرياض يامحمد سلامي لك يوازي طويق وياسلامي على من عد بيت القصيد والبنيه تراها لوحة بالطريق من علمها المسافر لا مشى يستفيد علي الزولاني الفيفي - بيشه وعلى نظم قريب من الشعر الهنوف الي تقولون تعترض بالطريق الوحة الي تحدد المسار تحديد لوحات للأرشاد وتحذير للمخاليق ولوحات للمتأكد له زود تأكيد بدر بن محمد العجلان - الرياض وعلى وزن اخر بالطريق اللي يودي للحريق شفتها والظاهر ان علمه اكيد لوحة تدل من تاه الطريق عن يمين الخط والدرب الجديد عبدالله الرفيعي - البكيريه لغز الاسبوع يكتبه للصفحة الشاعر فزاع عبدالله الشمري من حائل ويقول: بنشد اللي يبتكر فن النظم وللغطاوي يحل ويفتل نظمها ويش رجل (ن) حل ونهايه خصم بشرعنا مذكور حدد خصمها سنه للمصطفى قاله حسم شكر للمولى لساعة حسمها نستقبل الحلول على البريد الإلكتروني [email protected] أو الفاكس 014871070
